Серік Мұзсызбайұлы еңбек жолын 1992 жылы бастаған. Он жыл бойы "Семей ұн-құрама жем комбинаты" АҚ-да жұмыс істеді және көлік цехының шеберінен бастап көлік жөніндегі вице-президентке дейінгі жолдан өтті.
2004 жылы Қазақ гуманитарлық Заң университетін "Құқықтану"мамандығы бойынша бітірген. Екі жыл бойы Өскемен қаласының "Шығыс Қазақстан облыстық аумақтық қоршаған ортаны қорғау басқармасы" ММ басқарма бастығының орынбасары лауазымында қызмет атқарды. Кейін бизнесте еңбек жолын бастаған: "Восток-Мазут" ЖШС, "КазУглеГаз" ЖШС, "ҚазМұнайГаз өнімдері" ЖШС.
2016 жылы өндірістен қол үзбей екінші жоғары білім алып, Д. Серікбаев атындағы ШҚМТУ "Көлік техникасы және технологиясы" факультетінде білім алды. Қазақстанның жетекші "Алматы Менеджмент Университеті" бизнес - жоғарғы оқу орнының "Іскерлік басқару" курсынан өтті.
2022 жылдың ақпан айында "АЭС Өскемен ГЭС" ЖШС-не келгенге дейін бірнеше жыл бойы "ҚазМұнайГаз өнімдері" ЖШС БҚО бойынша Орал қаласындағы және ШҚО бойынша Өскемен қаласындағы филиалдарының директоры лауазымында жұмыс атқарды.
Компанияның дамуына көп жылдар бойы қосқан үлесі үшін "ҚазМұнайГаз өнімдері" ЖШС орденімен марапатталған.
2023 жылдың 22 желтоқсанынан бастап "АЭС Өскемен ГЭС" ЖШС Атқарушы директоры (Бас директордың орынбасары) лауазымына тағайындалды.